yabs

Siguro kung tinupad ko
Ang aking mga pangako
Siguro kung hindi ko
Binuksan ang aking bibig

Siguro kung lahat ng araw
Hanggang kahapon
Pinatunayan kong
Hindi mali itong pag-ibig

Sa dami
Ng masasakit na salita
Sa aking kawalan
At pagkukulang

Iniyak na sa langit
At sa lahat ng pwedeng luhuran
Hindi nais mawala ang sakit
Ngunit nais baguhin ang minsan

Nandito
Sa aking mga salita
Kitang-kita
Ang buhay kong may puwang

Lungkot ang aking Kalbaryo
Kawalan ang aking sakit
Naghahanap ng sagot
Handa kahit kailan

Ang dagok ng pagsisisi
Ay hindi makakalimutan
Sa kakaibang pintig ng puso
Habang buhay na pasan